'' ভাৰতীয় আদৰ্শত বৈৰাগ্য '' পাঠৰ পৰা গুৰুত্বপূৰ্ণ প্ৰশ্নোত্তৰ ২০২১

 ক) প্ৰতিটো ১ আৰু ২ নম্বৰৰ প্ৰশ্নোত্তৰ--

১। ভাৰতীয় আদৰ্শত বৈৰাগ্যৰ স্হান কেনেকুৱা ?

উত্তৰ:-ভাৰতীয় আদৰ্শত বৈৰাগ্যৰ স্হান অতি উচ্চ।

২। ভাৰতীয় সংস্কৃতিৰ মূল আধাৰ কি?

উত্তৰ:-ভাৰতীয় সংস্কৃতিৰ মূল আধাৰ হল বেদ।

৩। কৰ্ম কৰা কৌশলক ভগৱদগীতাত কি যোগ বুলি কোৱা হৈছে?

উত্তৰ:-কৰ্ম কৰা কৌশলক ভগৱদগীতাত কৰ্ম যোগ বুলি কোৱা হৈছে।

৪। তৈত্তিৰীয় উপনিষদৰ প্ৰথম উপদেশ কি?

উত্তৰ:-তৈত্তিৰীয় উপনিষদৰ প্ৰথম উপদেশ হল সত্য আৰু ধৰ্ম।

৫। সংবিভাজ্য কি?

উত্তৰ:-সংবিভাজ্য হল সমানে বিতৰণ কৰি ভোগ কৰা।

৬। বিদ্যা লাভৰ চৰম প্ৰাপ্য বিষয় দুটা কি কি?

উত্তৰ:-বিদ্যা লাভৰ চৰম প্ৰাপ্য বিষয় দুটা হল-

          ক) সত্য

          খ) ধৰ্ম

৭। ব্যক্তিৰ দায়িত্বৰ পৰিধি কিমান?

উত্তৰ:-ব্যক্তিৰ দায়িত্বৰ পৰিধি হল আপোনাৰ পৰা পৰিয়ালৰ,পৰিয়ালৰ পৰা সমাজ--এই তিনিটা কথা সোঁৱৰাই দিছে--'মাতৃ দেৱো ভৱ','আচাৰ্য দোৱো ভৱ' আৰু 'অতিথি দেৱো ভৱ'।

৮। প্ৰকৃত ত্যাগ কি?

উত্তৰ:-থাকিও সংযতভাৱে ভোগ কৰা আৰু সংবিভাজনৰ দ্বাৰা সমৃদ্ধিৰ সদগতি ঘটোৱাহে প্ৰকৃত ত্যাগ।

৯। প্ৰকৃত বৈৰাগ্য কি?

উত্তৰ:-প্ৰকৃততে পোৱাৰ বা থকাৰ পিছতো যেতিয়া বিষয় ভোগৰ প্ৰতি মন আসক্ত নহয়,তেতিয়া তাক প্ৰকৃত বৈৰাগ্য বোলা হয়।

১০। বেদ কি?

উত্তৰ:-বেদ শব্দৰ উতপত্তিগত অৰ্থ হল জ্ঞান। স্বামী দয়ানন্দ সৰস্ততীয়ে বেদ শব্দৰ ব্যাখ্যা প্ৰসংগত কৈছে--''যৰ পৰা মানুহে সত্য বিদ্যা জানে অথবা লাভ কৰে অথবা বিচাৰ কৰে অথবা সত্য বিদ্যা প্ৰাপ্তিৰ বাবে ৰথ হয়। সেয়ে বেদ।''

১১। ''অন্নং ন নিন্দ্যাত,অন্নং বহুকুৰ্ৱীত তদব্ৰতম্।''---এনেদৰে কোন উপনিষদে কৈছে?   

 উত্তৰ:-    ''অন্নং ন নিন্দ্যাত,অন্নং বহুকুৰ্ৱীত তদব্ৰতম্।''---এনেদৰে তৈত্তিৰীয় উপনিষদে কৈছে।

১২। 'শ্ৰদ্ধয়া দেয়ম্' 'অশ্ৰদ্ধয়া অদেয়ম' মানে কি? 

উত্তৰ:-  'শ্ৰদ্ধয়া দেয়ম্' 'অশ্ৰদ্ধয়া অদেয়ম' মানে হল শ্ৰদ্ধাৰে দান কৰিবা,অশ্ৰদ্ধাযুক্ত মন লৈ 'নিদিলে নহয়' এনেভাৱে দান কৰা-নকৰা সমান।