ক) প্ৰতিটো ১ নম্বৰৰ প্ৰশ্নোত্তৰঃ-
১। ভাৰতৰ 'সেউজ বিপ্লৱৰ নায়ক' বুলি কাক আখ্যা দিয়া হয়?
বা
ভাৰতৰ 'সেউজ বিপ্লৱৰ পিতৃ ' বুলি কাক আখ্যা দিয়া হয়?
উত্তৰঃ- এম.এছ. স্বামীনাথন(M. S. Swaminathan)।
২। AMUL-ৰ সম্পূৰ্ণ ৰুপটো লিখা।
উত্তৰঃ-AMUL-ৰ সম্পূৰ্ণ ৰুপটো হল-Anand Milk Union Limited.
৩। তেলেংগানা ভাৰতৰ------ তম ৰাজ্য হিচাপে পৰিগণিত হৈছে।( খালী ঠাই পূৰ কৰা)
উত্তৰঃ- ২৯ তম।
৪। ভাৰতবৰ্ষৰ কোনটো নিৰ্বাচনক 'ৰাজনৈতিক ভুমিকম্প' বুলি অভিহিত কৰা হয়?
উত্তৰঃ- ১৯৬৭ চনৰ সাধাৰণ নিৰ্বাচন।
৫। সংবিধান সভাৰ খচৰা সমিতিৰ সভাপতি কোন আছিল?
উত্তৰঃ-ড০ বি আৰ আম্বেদকাৰ।
খ) প্ৰতিটো ২ নম্বৰৰ প্ৰশ্নোত্তৰঃ
১। ৰাজ্য পুনৰ গঠন আয়োগৰ দুটা পৰামৰ্শ উল্লেখ কৰা ।
উত্তৰঃ-ৰাজ্য পুনৰ গঠন আয়োগৰ দুটা পৰামৰ্শ তলত উল্লেখ কৰা হল-
ক) ভাষাভিত্তিক ৰাজ্য পুনৰ গঠন কৰা।
খ) ৰাজ্যসমূহৰ সীমা পুনৰ নিৰ্ধাৰণ কৰা।
২। ৰাজ্য পুনৰ গঠন আইন কেতিয়া গ্ৰহন কৰা হৈছিল? এই আইনৰ অধীনত গঠন হোৱা যিকোনো এখন ৰাজ্যৰ নাম লিখা।
উত্তৰঃ- ৰাজ্য পুনৰ গঠন আইন ১৯৫৬ চনৰ নৱেম্বৰ মাহত গ্ৰহন কৰা হৈছিল।
ৰাজ্য পুনৰ গঠন আইনৰ অধীনত গঠন হোৱা এখন ৰাজ্যৰ নাম হল-মহাৰাষ্ট্ৰ।।
৩। বোম্বে পৰিকল্পনা(Bombay Plan) বুলিলে কি বুজাই?
উত্তৰঃ- ১৯৪৪ চনত বোম্বাইৰ কিছুমান উদ্যোগপতিয়ে মিলিত হৈ ভাৰতৰ অৰ্থনীতিৰ পূৰ্ণ বিকাশ আৰু প্ৰতিষ্ঠা কৰাৰ বাবে এটা পৰিকল্পনা বা যুটীয়া প্ৰস্তাবৰ খচৰা প্ৰস্তুত কৰে। ইয়াকে বোম্বে পৰিকল্পনা(Bombay Plan) বুলি জনা যায়। এই পৰিকল্পনাৰ জৰিয়তে ভাৰতৰ উদ্যোগপতিসকলে দেশৰ উদ্যোগ তথা অন্য ক্ষেত্ৰবোৰৰ বিকাশৰ বাবে চৰকাৰক সক্ৰিয় ভূমিকা পালনৰ বাবে আহ্বান জনাইছিল।
৪। লাল বাহাদুৰ শাস্ত্ৰীৰ চমু প্ৰধান মন্ত্ৰীৰ কালছোৱাত সন্মুখীন হোৱা দুটা সমস্য উল্লেখ কৰা।
উত্তৰঃ-লাল বাহাদুৰ শাস্ত্ৰীৰ চমু প্ৰধান মন্ত্ৰীৰ কালছোৱাত সন্মুখীন হোৱা দুটা সমস্য তলত উল্লেখ কৰা হল-
ক) খাদ্য সংকট।
খ) অনাবৃষ্টি।
৫। ভাৰতীয় সংবিধানৰ খচৰা কেতিয়া স্বাক্ষৰ কৰা হৈছিল আৰু সংবিধানখন কেতিয়াৰ পৰা কাৰ্যকৰী হৈছিল?
উত্তৰঃ-ভাৰতীয় সংবিধানৰ খচৰা ১৯৪৯ চনৰ ২৬ নৱেম্বৰ তাৰিখে স্বাক্ষৰ কৰা হৈছিল আৰু সংবিধানখন ১৯৫০ চনৰ ২৬ জানুৱাৰী তাৰিখৰ পৰা কাৰ্যকৰী হৈছিল।
Comments
Post a Comment